Dili Kabayran

Pasalamatan ko karon ang Ginoo
Sa mga katuigan nga naangkon ko
Bisan pa sa akong mga kasakitan
Giatiman N’ya ako ug gi-ampingan

Refrain
Unsa man ang ibalos ko sa Dios
Sa mga kaayohan nga naangkon ko
Dili kabayran sa salapi ni bulawan
Ang kinabuhi ko ihalad ko Kanimo

Nag-anam na unta ako’g kahulog
Apan gisapnay Mo ako Oh Ginoo
Pinaagi sa gugma Mo nga way paglubad
Sa kagul-anan ko gilipay Mo ako

Repeat Refrain

Sa panahon nga ako namalandong
Sa nabilin nga kinabuhi ko karon
Ihalad ko na kini sa Ginoo
Ug bisan pa’ng mga butang nga naangkon ko

Repeat Refrain

Dili kabayran sa salapi ni bulawan
Ang kinabuhi ko ihalad ko Kanimo
Ang kinabuhi ko ihalad ko Kanimo